नेत्र तपासणी आणि मोतीबिंदू शस्त्रक्रिया शिबिर

23 Nov 2025

नेत्रतपासणी आणि मोतीबिंदू शस्त्रक्रिया शिबिर लायन्स क्लब ऑफ अलिबागच्या वतीने, लायन्स हेल्थ फाउंडेशन आणि श्रीसत्यसाईबाबा जन्मशताब्दी सोहळ्याच्या औचित्याने नागाव येथे मोफत नेत्र तपासणी आणि मोतीबिंदू शस्त्रक्रिया शिबिराचे आयोजन करण्यात आले. यावेळी साधारणपणे ८२ रुग्णांची तपासणी करण्यात आली. यामध्ये मोतिबिंदू, तिरळेपणा आणि डोळ्यांच्या इतर रुग्णांना मोफत उपचार करण्यात आले. तर मोफत शस्त्रक्रियेसाठी संदर्भित करण्यात आले. यावेळी लायन्स क्लब ऑफ अलिबागचे अध्यक्ष प्रदीप नाईक, सचिव महेश कवळे, प्रकाश देशमुख व इतर लायन मेंबर्स तसेच श्रीसत्यसाईबाबांचे अनुयायी, ग्रामस्थ आणि रुग्ण मोठ्या संख्येने उपस्थित होते.