Realive The Hunger

05 Jul 2026

लायन्स क्लब ऑफ द्रोणागिरीतर्फे चारफाटा झोपडपट्टी येथे अन्नदान सेवा संपन्न उरण, दि. ५ जुलै : लायन्स क्लब ऑफ द्रोणागिरीच्या वतीने सामाजिक बांधिलकी जपत चारफाटा झोपडपट्टी, उरण येथे रविवारी अन्नदान सेवेचे आयोजन करण्यात आले. सकाळी ११.३० वाजता झालेल्या या उपक्रमात परिसरातील सुमारे ६० ते ७० गरजू मुलांना पौष्टिक भोजन व योगर्ट (दही) यांचे वाटप करण्यात आले. या सेवाकार्यात लायन्स क्लब ऑफ द्रोणागिरीच्या अध्यक्षा लायन मोनिका चौकर यांच्या नेतृत्वाखाली लायन भूमिका सिंग, लायन सागर चौकर, लायन सीमा घरत, लायन श्री म्हात्रे यांच्यासह उरणमधील प्रतिष्ठित नागरिक श्री. व्हिन्सेंट आणि त्यांची कन्या उपस्थित होते. सर्वांनी प्रत्यक्ष अन्न व योगर्टचे वाटप करून मुलांच्या चेहऱ्यावर आनंद फुलविला. यावेळी उपस्थितांनी "अन्नदान हेच सर्वश्रेष्ठ दान" हा संदेश देत समाजातील गरजू बालकांप्रती आपली सामाजिक बांधिलकी व्यक्त केली. या सेवाभावी उपक्रमाचे स्थानिक नागरिकांनी कौतुक केले. लायन्स क्लब ऑफ द्रोणागिरीतर्फे भविष्यातही शिक्षण, आरोग्य, पर्यावरण व समाजकल्याणाशी संबंधित विविध सेवाभावी उपक्रम सातत्याने राबविण्यात येणार असल्याचे यावेळी सांगण्यात आले.