लहान मुलांमध्ये वैज्ञानिक दृष्टिकोन रुजविण्यासाठी जादूची सफर

23 May 2026

लायन्स क्लब अलिबागने मुलांना नेले जादुई दुनियेत अलिबाग, दिनांक २३ येथील लायन्स क्लब ऑफ अलिबाग आणि नामांकित 'कीड झी' प्री प्रायमरी स्कूलच्या सहकार्याने तांत्रिक विद्यालय, वरसोली विद्यानगरच्या भव्य सभागृहात जादूचे प्रयोग आयोजित करण्यात आले. सुप्रसिद्ध जादुगार सलोनी यांनी यावेळी छोटे मोठे पन्नासहून अधिक जादूचे प्रयोग करून लहान मुलांचे मनोरंजन केले. जादू म्हणजे हातचलाखी असून त्या पाठीमागील विज्ञान अतिशय सोप्या शब्दात सांगितले. कीड झी आणि ब्लुमिंग बड्स या येथील सुप्रसिध्द शाळेच्या संचालक अध्यक्ष सीमा शेडगे आणि नितीन शेडगे यांनी आयोजिलेल्या समर कॅम्पमध्ये आर्ट, क्राफ्ट, डान्स, सेल्फ डिफेन्स, चॉकलेट मेकिंग,रेझिन आर्ट,सोप मेकिंग, पर्स मेकिंग या आणि अशा अनेक ॲक्टिव्हिटिज सुरु आहेत. या कॅम्पमध्ये सहभागी झालेली मुले, परिसरातील व इतर शाळेतील मुले यामध्ये सहभागी होऊन आनंद लुटल्याचे चित्र बघायला मिळाले. यावेळी उपस्थित मान्यवरांमध्ये लायन अध्यक्ष प्रदीप नाईक, सचिव महेश कवळे, खजिनदार अमोघ किंजवडेकर, संतोष पाटील, मेहुल पाटील, कल्पेश थळे संजय माळी, प्री प्रायमरी स्कूलचे व इतर विद्यार्थी, त्यांचे पालक, 'कीड झी' , 'ब्लुमिंग बड्स ' शाळांचे शिक्षक अशी दोनशेहून अधिक उपस्थिती होती.